Analisti Ekrem Spahiu shkruan se prej vitit 2025, Kosova po shkon në tre palë zgjedhje, një luks i tepërt për shtetin më të ri të Europës. Përsëritja e tyre pothuajse çdo gjysmë viti mund të shihet si shprehje e një ritmi të shëndoshë demokratik, por në të vërtetë reflekton fragmentim të skenës politike, mungesë kompromisi dhe polarizim të tejskajshëm.
Që nga viti 2021, vetëm dy zgjedhje kanë qenë brenda normalitetit kohor elektoral, ndërsa të tjerat duken se janë mbajtur për hesap elektorale. Kjo ka çuar në krizë politike dhe institucionale, si dhe mungesë stabiliteti politik prej 2025-së.
Sipas Spahiut, klasa politike e Kosovës, në vend që të përllogarisë zgjidhjet e mëdha në kuadër të fluiditetit gjeopolitik global dhe evropian, përllogarit interesat e vogla partiake. Në vend të krijimit të stabilitetit politik, institucional, ekonomik, financiar e ushtarak, ajo siguron stabilitet për individë. Prej dy vjetësh, në vend të menaxhimit të shtetit dhe kryerjes së reformave ekonomiko-shoqërore, politika administron zgjedhjet.
Kjo situatë stërlodh zgjedhësit dhe harxhon miliona e miliona euro për çdo palë zgjedhje, një kosto e rëndë për Kosovën që nuk ka mbushur ende 20 vjet si shtet i pavarur. Aleatët perëndimorë presin një qeverisje të shëndetshme, jo të fokusuar në ndarje postesh.