Deputeti i Partisë Demokratike të Kosovës (PDK), Eman Rrahmani, deklaroi se deputetët kanë pranuar Agjendën Legjislative të Qeverisë së Republikës së Kosovës për vitin 2026.
Sipas tij, prioritetet kryesore të Qeverisë Kurti III janë tre projektligje të kthyera mbrapsht në legjislaturën e kaluar, të cilat tani rikthehen për votim në Kuvend:
- Projekt Kodi Civil i Republikës së Kosovës, ku parashihet martesa midis burrash dhe midis grave, pritet të votohet më 30 tetor 2026.
- Projektligji për Gjendjen Civile, ku parashihet ndryshimi i gjinisë çdo 10 vjet, pritet të votohet më 30 qershor 2026.
- Projektligji për Shëndetin Riprodhues dhe Fertilizimin e Asistuar Mjekësor, ku parashihet lindja e grave pa burra dhe ndalimi që fëmijët të dinë identitetin e babait, pritet të votohet më 1 tetor 2026.
Rrahmani shkroi se këto ligje përbëjnë prioritetet kryesore të qeverisë për vitin 2026. Deklarata u bë më 24 shkurt 2026, siç raportojnë Ekonomia Online dhe Bota Sot.