Sipas të dhënave zyrtare të publikuara nga Organizata Botërore e Shëndetësisë (OBSH), shpërthimi i fundit i virusit Ebola në Republikën Demokratike të Kongos është përshkallëzuar ndjeshëm. Raporti i datës 4 korrik konfirmon se ky është shpërthimi i 17-të i regjistruar në vend, i cili filloi zyrtarisht më 15 maj.
Sëmundja është shkaktuar nga varianti Bundibugyo, një formë e virusit për të cilën mjekësia nuk ofron ende një vaksinë apo trajtim specifik. Përveç viktimave në Republikën Demokratike të Kongos, autoritetet shëndetësore po ndjekin me kujdes përhapjen edhe në shtetin fqinj, Ugandën, ku deri tani janë identifikuar 20 raste të infektimit dhe 2 vdekje.
Në pesë dekadat e fundit, Ebola ka shkaktuar mbi 15,000 viktima në kontinentin afrikan. Për krahasim, shpërthimi më i rëndë i shënuar më parë në Republikën Demokratike të Kongos, gjatë viteve 2018–2020, pati regjistruar rreth 3,500 raste dhe afro 2,300 viktima.