Erdogan zhvillon bisedë telefonike me Putinin për 74-vjetorin

Presidenti i Turqisë, Recep Tayyip Erdogan, zhvilloi sot një bisedë telefonike me presidentin rus, Vladimir Putin, për ta uruar me rastin e 74-vjetorit të lindjes së tij. Sipas njoftimeve nga Drejtoria e Komunikimeve e Turqisë, gjatë këtij komunikimi, të dy liderët trajtuan një sërë temash me rëndësi rajonale dhe ndërkombëtare, duke përfshirë marrëdhëniet mes dy vendeve dhe zhvillimet rreth luftës në Ukrainë. Një pjesë e rëndësishme e diskutimit u përqendrua te siguria e lundrimit në Detin e Zi. Erdogan theksoi domosdoshmërinë e garantimit të një kalimi të sigurt në këtë rajon detar. Presidenti turk ritheksoi qëndrimin e vendit të tij për të kontribuar në rifillimin e kontakteve të drejtpërdrejta mes autoriteteve ruse dhe ukrainase, me qëllim uljen e tensioneve aktuale. Ndërkohë, sipas raportimeve të mediave, në bisedë u përmendën edhe zhvillimet politike në Rusi, ku Erdogan uroi Vladimir Putin për suksesin e partisë së tij në zgjedhjet për Dumën e Shtetit.