Deputeti i Partisë Socialiste, Erion Braçe, ka reaguar në rrjetet sociale për çmimet e perimeve në minitregjet e ngritura në trotuaret e Tiranës, veçanërisht në zonën nga shkolla Vasil Shanto e poshtë.
Ai vë në dukje se këto pika shitjeje konsiderohen si më të lirat në kryeqytet, por çmimet janë të larta. Konkretisht:
- Domatet: 300-340 lekë/kg
- Domatet e vogla: 640 lekë/kg
- Speci i kuq: 340 lekë/kg
- Karrota: 140-150 lekë/kg
- Patëllxhani pa cilësi: 320 lekë/kg
- Bizelet: 480 lekë/kg
- Mashurkat: 600 lekë/kg
Braçe thekson se tregtarët nuk lëshojnë faturë tatimore dhe se kjo situatë pengon lëvizjen e të moshuarve në trotuar.
Ai shton se prej një viti i kërkon policisë bashkiake të lirojë gjysmën e trotuarit, por autoritetet lokale duket se kanë arritur mirëkuptim me tregtarët, duke e quajtur situatën "inate komshinjsh".