Një muaj pas sulmit me dronë ndaj anijes së mallrave AROYAT në Detin e Zi, shqiptari Erkan Nika, 28 vjeç, vijon të jetë i zhdukur. Ai punonte si inxhinier i dytë në anijen turke, e cila u sulmua më 25 shtator 2026, pranë brigjeve të Rusisë.
Sipas familjes, nga 16 anëtarët e ekuipazhit që ndodheshin në bord, 15 u shpëtuan, ndërsa Nika mbetet i zhdukur. Familjarët thonë se nuk kanë informacion për vendndodhjen e tij dhe se deri më tani nuk ka konfirmim zyrtar për vdekjen e tij.
Në fillim të tetorit, autoritetet turke kontrolluan anijen, por nuk e gjetën Nikën dhe as sende që i përkisnin atij. Familja kërkon që të mos përjashtohet mundësia që ai të jetë gjallë. Sipas të afërmve, ai mund të ndodhet në një qytet portual në Rusi, Gjeorgji ose në një vend tjetër, i plagosur, pa ndjenja, i shtruar në spital apo ende i paidentifikuar.
Familjarët u bëjnë thirrje spitaleve, institucioneve shëndetësore, policisë, autoriteteve portuale dhe institucioneve përkatëse në Rusi, Gjeorgji dhe Turqi që të kontrollojnë regjistrat për persona të paidentifikuar, të plagosur, të shpëtuar ose të gjetur në zonat bregdetare. Apeli u drejtohet gjithashtu institucioneve shqiptare dhe shqiptarëve kudo që ndodhen.
Kushdo që ka informacion për vendndodhjen e Erkan Nikës, ose mendon se mund ta ketë parë, mund të kontaktojë vëllain e tij, E rizon Nika, në WhatsApp në numrin 00905342468381. Familjarët kërkojnë që çdo e dhënë të përcillet, pasi mund të ndihmojë në sqarimin e fatit të tij.