Një aksident fatal ka ndodhur në zonën e Klosit, ku Erkin Lika, 39 vjeç, ka humbur jetën pasi ka rënë nga shkëmbinjtë pranë Urës së Vashës. Viktima ishte pjesë e një grupi të kërkim-shpëtimit dhe njihej për pasionin e tij ndaj alpinizmit.
Sipas të dhënave paraprake, ngjarja ka ndodhur pasditen e së shtunës. Dyshohet se Lika ka rrëshqitur aksidentalisht nga shkëmbinjtë në momentin që po fotografonte pjesëtarët e tjerë të skuadrës, duke rënë në një zonë të thellë shkëmbore.
Menjëherë pas njoftimit, shërbimet e Policisë së Matit dhe grupet e kërkim-shpëtimit kanë mbërritur në vendngjarje. Për shkak të terrenit tejet të vështirë, në ndihmë për nxjerrjen e trupit janë angazhuar edhe ekipe të specializuara të ardhura nga Kosova. Autoritetet po kryejnë hetimet për zbardhjen e rrethanave të këtij aksidenti.