Ngjarja e rëndë ka ndodhur gjatë pasdites së djeshme në Klos, ku Erkin Lika, ndërsa po kryente stërvitje me litar për ngjitje, dyshohet se ka humbur ekuilibrin dhe ka rënë nga shkëmbi në ujërat e lumit Mat, pranë urës së Vashës.
Autoritetet bëjnë me dije se viktima dyshohet se ka përfunduar në një gropë thithëse, fakt ky që po e vështirëson ndjeshëm operacionin e kërkim-shpëtimit. Në vendngjarje kanë mbërritur forca të shumta shpëtimi, përfshirë ekipin special të polumbarëve të repartit RENEA, të cilët po vijojnë kërkimet për gjetjen dhe nxjerrjen e trupit të pajetë.
Erkin Lika ishte pjesëtar i Repartit të Shërbimit të Kërkim-Shpëtimit Malor pranë Forcave të Armatosura të Shqipërisë. Grupi hetimor po punon për zbardhjen e plotë të dinamikës së këtij aksidenti tragjik.
Përditësime
Gazetari i Klan News, Neki Feta, konfirmoi se banorët ndihmuan në orët e para të kërkimit në lumin Mat. Autoritetet kanë saktësuar se viktima ishte 33 vjeç, duke korrigjuar raportimet e mëparshme të Vizion Plus që e identifikonin gabimisht si 38-vjeçar.
Pas dy ditë kërkimesh intensive, palombarët e Policisë së Shtetit kanë lokalizuar dhe nxjerrë trupin e pajetë të 33-vjeçarit Erkin Lika nga lumi Mat, në zonën e Klosit, ku ndodhi aksidenti.