Ervin Salianji, ish-deputet i Partisë Demokratike, zhvillon sot një takim me mbështetësit demokratë në Lezhë. Aktiviteti mbahet te Pallati i Kulturës dhe pritet të nisë në orën 18:00.
Salianji ka ftuar demokratët të bashkohen masivisht. Në një postim në rrjetet sociale, ai shkruan: "Shihemi sonte në Lezhë, në 18:00, tek Pallati i Kulturës".
Ky është një tjetër takim i Salianjit me mbështetësit demokratë, ndërsa në qëndrimet e tij shpesh ka përmendur rëndësinë që Partia Demokratike të hapet dhe të kthehet në një forcë politike fituese.