Federata Aziatike e Futbollit ka shtyrë ndeshjet e të tetave të Champions League Aziatike, të parashikuara për 9 dhe 11 mars. Kjo masë erdhi për shkak të konfliktit midis Iranit, Shteteve të Bashkuara dhe Izraelit, që ka përfshirë rajonin e Gjirit Persik.
Futbolliti shqiptar Mario Mitaj, i cili luan te skuadra saudite Al Itihad, duhej të luante kundër Al Wahda-s. Në kompeticion marrin pjesë edhe ekipe të tjera nga Arabia Saudite, si Al Hilal dhe Al Ahli, si dhe Traktori i Tabrizit nga Irani.
Ndërkohë, Al Itihad do të luajë këtë të premte në fushën e Al Ahli-t në Ligën Profesioniste Saudite. Ndeshjet e radhës në këtë ligë janë ende në pikëpyetje.
Katari ka ndërprerë krejtësisht kampionatin dhe aktivitetet sportive të tjera. Klubet saudite dhe Federata e tyre kanë propozuar zhvillimin e ndeshjeve në fusha neutrale, por nuk ka vendim përfundimtar.