Një aksident është regjistruar në fshatin Vinçan të Korçës, ku një fëmijë 4-vjeç është rrëzuar aksidentalisht nga kati i dytë i banesës. Si pasojë e rënies, i mituri ka marrë dëmtime në kokë dhe në trup.
Fëmija është dërguar për ndihmë mjekësore në Spitalin Rajonal të Korçës, ku ndodhet nën kujdesin e mjekëve në repartin e reanimacionit të pediatrisë. Burime mjekësore konfirmojnë se, për shkak të gjendjes shëndetësore, i mituri do të transportohet drejt Tiranës për trajtim më të specializuar.
Forcat e Policisë ndodhen në vendngjarje dhe po kryejnë veprimet për të zbardhur rrethanat e plota të ngjarjes.
Përditësime
Mjekët e Spitalit të Traumës në Tiranë konfirmojnë se fëmija 4-vjeçar, i cili u rrëzua aksidentalisht nga kati i dytë në Korçë, ndodhet jashtë rrezikut për jetën. Aktualisht, pacienti po i nënshtrohet ekzaminimeve të specializuara për të përjashtuar dëmtimet e brendshme.