Një aksident rrugor u regjistrua pasditen e 28 marsit 2026 në aksin Korçë-Pogradec, në afërsi të fshatit Çiflig.
Dy automjete u përplasën me njëra-tjetrën, duke shkaktuar dëme të shumta materiale. Mësohet se brenda automjeteve ndodheshin dy të mitur, përkatësisht 9 dhe 10 vjeç.
Të dy fëmijët u transportuan në spitalin e Korçës, ku po i nënshtrohen kontrolleve dhe trajtimit mjekësor. Deri tani nuk raportohet rrezik për jetën e tyre.
Policia po kryen hetimet për zbardhjen e rrethanave të ngjarjes.