Ka filluar ndertimi i ures se trete mbi lumin Iber ne Mitrovice, nje projekt qe synon permiresimin e lidhjeve infrastrukturore dhe lehtesimin e levizjes se qytetareve. Lajmin e ka bere te ditur kryeministri ne detyre, Albin Kurti, i cili vuri ne dukje se ndertimi i urave kontribuon drejteperdrejt ne forcimin e lidhjeve mes komuniteteve.
Sipas te dhenave teknike, ura e re do te kete nje gjatesi prej 65 metrash dhe nje gjeresi prej 21.5 metrash. Ky investim do te mundesoje lidhjen e fshatrave Zhabar dhe Gushac me Vidimriqin.
"Sa me shume ura te ndertohen, aq me e forte eshte lidhja, duke sjelle me shume liri te levizjes dhe qarkullim me te madh", u shpreh Kurti. Përveç lehtësimit të qarkullimit, projekti synon edhe revitalizimin e gjithë zonës përreth lumit, si pjesë e planeve zhvillimore për Ibrin.
Përditësime
Autoritetet teknike kanë konfirmuar se ura e tretë mbi lumin Ibër do të ketë një gjerësi prej 22.5 metrash, duke tejkaluar parashikimin fillestar prej 21.5 metrash. Projekti, që pritet të përfundojë brenda vitit 2026, përfshin ndërtimin e katër korsive me gjerësi 3.5 metra secila, si dhe zhvillime të tjera infrastrukturore:
- Dy rrethrrotullime;
- 500 metra segment të ri rrugor;
- Rehabilitimin e 525 metrave të shtratit të lumit;
- Instalimin e ndriçimit modern dhe ndërtimin e trotuareve për këmbësorët.