Operacioni policor u finalizua nga Sektori i Forcës së Posaçme "Shqiponja", në bashkëpunim me strukturat e Drejtorisë Vendore të Policisë Shkodër, pas informacioneve të siguruara në rrugë operative.
Gjatë kontrollit fizik të ushtruar ndaj 42-vjeçarit Elzner Kurmemaj, i cili ndodhej në ambientet e një lokali në lagjen "Vasil Shanto", policia gjeti dhe sekuestroi një armë zjarri pistoletë, municion luftarak dhe një dozë të lëndës së dyshuar narkotike kokainë.
Në të njëjtin ambient u ndaluan edhe dy të rinjtë Albion Idrizi dhe Indrit Avdyli, të cilët u arrestuan në flagrancë për veprën penale "Moskallëzimi i krimit". Gjatë kontrollit fizik ndaj shtetasit Albion Idrizi, policia gjeti dhe sekuestroi gjithashtu një cigare me lëndë të dyshuar narkotike cannabis sativa.
Materialet procedurale i janë përcjellë Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme. Çdo person i përfshirë në këtë procedim prezumohet i pafajshëm deri në një vendim gjyqësor të formës së prerë.