Pikat e kalimit kufitar në Kosovë po shënojnë fluks të shtuar të automjeteve, duke shkaktuar vonesa për udhëtarët. Sipas njoftimeve nga Qendra Kombëtare për Menaxhim Kufitar, situata më e rënduar është raportuar në pikën kufitare të Muçibabës, ku qytetarët që dëshirojnë të dalin nga territori i vendit po presin deri në 120 minuta, me kolona që arrijnë gjatësinë e 2 kilometrave.
Në pikën kufitare Dheu i Bardhë, koha e pritjes për hyrje në Kosovë raportohet të jetë deri në 80 minuta, ndërsa për dalje pritjet janë rreth 25 minuta, me një kolonë që shtrihet deri në 1 kilometër.
Për pikat e tjera kufitare, situata është si vijon:
• Hani i Elezit: Pritje deri në 15 minuta, me kolona që arrijnë deri në 100 metra në hyrje dhe dalje.
• Vërmica: Pritje deri në 15 minuta për hyrje, me kolonë rreth 50 metra.
• Kulla: Pritje minimale nga 3 deri në 5 minuta, me kolona të shkurtra prej 10-20 metrash.
Në pikat e tjera të kalimit kufitar, fluksi mbetet në nivele më të ulëta, me pritje që luhaten nga 3 deri në 10 minuta.
Përditësime
Sipas të dhënave të orës 15:25 nga Qendra Kombëtare për Menaxhim Kufitar, situata në pikat kufitare të Kosovës paraqitet si më poshtë:
- Muçibabë: Përmirësim i ndjeshëm, me pritje në dalje që kanë rënë nga 120 minuta në vetëm 10 minuta.
- Jarinjë: Situata është normalizuar, me pritje minimale.
- Transporti i mallrave: Raportohen pritje të zgjatura për kamionë në të gjitha pikat kufitare.
Sipas të dhënave të fundit nga Qendra Kombëtare për Menaxhim Kufitar, fluksi në pikat kufitare të Kosovës vazhdon të jetë i shtuar, me pritje të theksuara në hyrje. Situata në pikat kryesore paraqitet si më poshtë:
• Dheu i Bardhë: Pritje deri në 50 minuta me kolonë 200 metra.
• Vërmicë: Pritje 25-30 minuta me kolonë 250-300 metra.
• Hani i Elezit dhe Muçibabë: Pritje deri në 20 minuta.
Ndërkohë, qarkullimi i kamionëve është normalizuar, me kohë pritjeje që variojnë nga 3 deri në 5 minuta.