Autoritetet franceze shpëtuan 157 persona të enjten, të cilët po përpiqeshin të kalonin Kanalin Anglez dhe Detin e Veriut me varka të vogla për të arritur në Britaninë e Madhe. Grupet u pikasën fillimisht në një plazh pranë Visan, në bregdetin verior të Francës.
Sipas autoritetit detar PREMAR, operacionet e shpëtimit u ndanë në disa ndërhyrje:
- Tre persona u shpëtuan nga ekipet e emergjencës pasi arritën vetë në Calais.
- Tetë persona që ndodheshin në vështirësi në plazhin e Portel u ndihmuan nga shërbimet zjarrfikëse.
- Një grup prej 70 personash u shpëtua nga një varkë dhe u kthye në Calais.
- Në zonën Ecou, pranë Boulogne-sur-Mer, u shpëtuan 67 pasagjerë, ndërsa në dy mjete të tjera më të vogla u gjetën edhe nëntë emigrantë.
Ky operacion pason marrëveshjen e arritur në prill midis Francës dhe Britanisë së Madhe, e cila parashikon një bashkëpunim trevjeçar dhe rritjen e kontributit financiar të Londrës për forcimin e masave të sigurisë. Sipas të dhënave të AFP, gjatë vitit 2025 humbën jetën të paktën 29 emigrantë, ndërsa nga fillimi i këtij viti janë shënuar të paktën tetë viktima.