Klubi vlonjat Flamurtari konfirmon largimin e trajnerit italian Françesko Moriero nga stoli për pjesën e mbetur të sezonit në Kategorinë Superiore. Zyrtarizimi pritet së shpejti, pasi Moriero mungoi në ndeshjen e dytë radhazi.
Në takimin ndaj Partizanit, mungesa e tij u raportua se nuk ishte për arsye shëndetësore. Ndërsa në sfidën ndaj Teutës, mungesa rezultoi vendimtare. Përkohësisht, ekipin e drejton Andi Ribaj.
Moriero ishte rikthyer në Superiore pas shkarkimit të trajnerit të mëparshëm Karlos Garsia. Ai u afrua me qëllim shpëtimin e sezonit, por rezultatet nuk ishin si pritej.
Flamurtari mban vendin e fundit në tabelën e renditjes, ndërsa pritet emërimi i trajnerit të ri.