Komandanti i Forcës së Sigurisë së Kosovës, gjenerallejtënanti Bashkim Jashari, priti në takim zëvendësshefin e J5/8 të Komandës Evropiane të Shteteve të Bashkuara (USEUCOM), gjeneralbrigade Chris A. McKinney.
Të dy gjeneralët diskutuan për bashkëpunimin e deritanishëm ndërmjet FSK-së dhe USEUCOM si dhe për nevojën e rritjes së këtij bashkëpunimi në të ardhmen. Gjenerali Jashari njoftoi gjeneralin McKinney për zhvillimet dhe arritjet e FSK-së, duke u fokusuar në planet që synojnë realizimin e aspiratave për anëtarësim në NATO.
Gjithashtu, të dy gjeneralët vlerësuan kontributin e FSK-së në kuadër të Forcës Ndërkombëtare Stabilizuese për Gazën (ISF), ku së shpejti pritet të dislokohet kontingjenti i parë nga FSK.
Në fund të takimit, gjenerali McKinney falënderoi gjeneralin Jashari për bashkëpunimin dhe lidershipin e tij gjatë kësaj periudhe, kur FSK është në fazën finale të PGJT-së, dhe ritheksoi përkushtimin e USEUCOM për të mbështetur FSK-në në të ardhmen.