Forca e Sigurisë së Kosovës (FSK) është bërë një nga vendet e para kontribuuese në Forcën Ndërkombëtare të Sigurisë (ISF). Kjo strukturë funksionon në kuadër të Bordit të Paqes (Board of Peace), marrëveshje e nënshkruar në Davos nga Vjosa Osmani, me ftesë të presidentit amerikan Donald Trump.
Sipas njoftimit, ky hap shënon avancim në rolin e Kosovës në arkitekturën ndërkombëtare të sigurisë dhe është rezultat i bashkëpunimit strategjik me Shtetet e Bashkuara të Amerikës. Në funksion të këtij angazhimi, dy oficerë të FSK-së, majorët Gentrit Idrizi dhe Labinot Lala, janë vendosur si oficerë ndërlidhës në këtë forcë.
Angazhimi i tyre ka për qëllim kryesor lehtësimin e shkëmbimit të informacionit mes ISF-së dhe shteteve pjesëmarrëse, si dhe përmirësimin e koordinimit operacional në përpjekjet globale për ruajtjen e stabilitetit dhe sigurisë.
Përditësime
Më 30 maj 2026, Kosova u zyrtarizua si anëtare themeluese e Bordit të Paqes. Presidentja Vjosa Osmani konfirmoi zhvillimin përmes platformës X, duke theksuar se ky status fuqizon rolin e Forcës së Sigurisë së Kosovës (FSK) në arkitekturën ndërkombëtare të sigurisë.