Në kuadër të aktiviteteve shtetërore për shënimin e 18-vjetorit të Pavarësisë së Kosovës, komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me udhëheqësit më të lartë shtetërorë, mori pjesë në ceremoninë solemne të ngritjes së flamurit pranë Qeverisë së Republikës së Kosovës.
Sipas njoftimit zyrtar të FSK-së, “Kjo ceremoni shënoi fillimin e aktiviteteve festive me rastin e 18-vjetorit të shpalljes së Pavarësisë — një ditë krenarie, sakrifice dhe përkushtimi për liri dhe shtetndërtim. Me këtë rast, Komandanti i FSK-së, gjenerallejtënant Bashkim Jashari, uroi të gjithë ushtarakët e FSK-së dhe qytetarët e Republikës së Kosovës me rastin e 18-vjetorit të Pavarësisë, duke theksuar rëndësinë e unitetit, profesionalizmit dhe përkushtimit në shërbim të atdheut”.
Përditësime
FSK dhe Policia e Kosovës zhvilluan parakalim trupash në Prishtinë, të cilin qytetarët dhe zyrtarët e përcollën me duartrokitje nga trotuaret dhe shetet.