Qeveria e Kosovës ka publikuar programin e manifestimeve shtetërore për shënimin e 18-vjetorit të Pavarësisë më 17 shkurt.
Aktivitetet fillojnë në mëngjes me ngritjen solemne të flamurit të Republikës së Kosovës në orën 07:00, për të vazhduar me mbledhjen solemne të Qeverisë në orën 07:20.
Gjatë ditës parashihen homazhe dhe nderime në vende të rëndësishme historike:
• Në orën 07:30, te Monumenti i të Pagjeturve.
• Në orën 07:35, te pllaka përkujtimore e fëmijëve të vrarë.
• Në orën 08:00, te varri i ish-presidentit Ibrahim Rugova.
• Në orën 08:10, te varri i veprimtarit Adem Demaçi.
• Në orën 09:00, në Kompleksin Memorial “Adem Jashari” në Prekaz.
• Në orën 11:25, te Monumenti i Heroinave.
Në orën 10:30 mbahet seanca solemne e Kuvendit të Republikës së Kosovës, ndërsa në orën 11:30 parakalojnë trupat e Forcës së Sigurisë së Kosovës dhe të Policisë së Kosovës.
Në orën 17:30 organizohet pritje shtetërore nga presidentja Vjosa Osmani, kryetari i Kuvendit – sipas një burimi Dimal Basha – dhe kryeministri Albin Kurti.
Dita përmbyllët në orën 20:00 me koncertin solemn të Filarmonisë së Kosovës.