Aktivitetet përmbyllëse për shënimin e 28-vjetorit të Epopesë së Ushtrisë Çlirimtare të Kosovës nisin sot në ora 18:00. Në Prekaz mbahet manifestimi tradicional Nata e Zjarreve, ndërsa në ora 18:15 ndizet flakadanët në shtatë rajone të Republikës së Kosovës.
Në ora 19:00, në sheshin Adem Jashari në Skenderaj mbahet një program artistik.
Veprimtari në komuna
- Komuna e Prishtinës organizon ndezjen e flakadanëve në amfiteatrin e sheshit Zahir Pajaziti nga ora 18:00, bashkë me hapjen e një ekspozite me punime të nxënësve.
- Komuna e Vushtrrisë zhvillon Natën e Zjarreve në ora 18:15 në Brigadën 142, Zosh. (Stroc, Vushtrri).
Aktivitetet e ditëve të mëparshme
Shënimi filloi më 5 mars me mbledhje solemne të Qeverisë dhe seancë solemne në Kuvendin e Kosovës. Organizatat e dalura nga lufta e UÇK-së shprehën indinjatën për mungesën e tyre në seancë. Në orën 12:00, në kazermën e FSK-së me emrin e kryekomandantit Adem Jashari u rreshtuan kuadratët, ku liderët shtetërorë e quanë FSK-në trashëgimi të UÇK-së.
Më 6 mars, krerët e shtetit bënë homazhe në Kompleksin Memorial Adem Jashari në Prekaz, ku vendosën lule në varreza dhe vizituan familjen e kryekomandantit.