Marina e Gardës Revolucionare Islamike ka lëshuar një njoftim zyrtar për të gjitha anijet që ndodhen në Gjirin Persik dhe në Detin e Omanit. Sipas deklaratës, Ngushtica e Hormuzit është mbyllur për qarkullim për shkak të situatës në Liban.
Institucioni iranian theksoi se ky vendim vjen si reagim ndaj krimeve të kryera nga regjimi sionist në Liban, si dhe ndaj asaj që ata e konsiderojnë si shkelje të angazhimeve të armëpushimit nga ana e SHBA-ve. Garda ka paralajmëruar në mënyrë eksplicite se çdo anije që do t'i afrohet Ngushticës së Hormuzit do të konsiderohet në rrezik, duke kërkuar shmangien e këtij rajoni për të garantuar sigurinë e mjeteve lundruese.
Përditësime
Komanda Qendrore Khatam al-Anbiya ka njoftuar se mbyllja e mundshme e Ngushticës së Hormuzit do të jetë një përgjigje ndaj shkeljes së nenit të parë të memorandumit për përfundimin e luftës nga ana e Shteteve të Bashkuara. Ky qëndrim i autoriteteve ushtarake iraniane është konfirmuar si nga mediat shtetërore të Iranit, ashtu edhe nga BBC.