Granit Xhaka, kapiten i Sunderlandit, po vlerësohet lart në Angli për ndikimin në lojë dhe në dhomat e zhveshjes. Mesfushori ka qenë titullar në të gjitha 22 ndeshjet e Premier League-së këtë sezon, me 5 asistime dhe duke ofruar stabilitet e lidership.
Falë performancës së tij, Sunderlandi zë vendin e nëntë në tabelë me 33 pikë, vetëm katër pikë larg zonës së katër ekipeve të para. Ekipi synon një pozicion të mirë për garat evropiane.
Gazetari anglez Ian Murtagh, duke folur për BBC dhe BBC Radio Newcastle, e ka cilësuar transferin e Xhakës si më ndikueshmin në verilindje të Anglisë që nga ardhja e Kevin Keegan te Newcastle në 1982. "Nuk po them domosdoshmërisht më i miri, por për sa i përket ndikimit, rritjes së standardeve dhe komunikimit me shokët e ekipit, shoh ngjashmëri të madhe midis tyre, edhe pse i ndajnë 40 vjet", ka thënë ai.
Ky vlerësim konfirmon rolin kyç të Xhakës si lider teknik dhe figurë vendimtare për ambiciet e Sunderlandit në elitën e futbollit anglez.