FC Drenica ka zyrtarizuar emërimin e Gentjan Mezanit si trajner të skuadrës, duke i besuar drejtimin e shtabit teknik për vazhdimësinë e sezonit. Klubi nga Skenderaj njoftoi se ka arritur marrëveshje me trajnerin dhe i uroi mirëseardhje, si dhe suksese në drejtimin e ekipit dhe përmbushjen e objektivave sportive.
Mezani merr drejtimin e Drenicës një ditë pas përfundimit të bashkëpunimit të klubit me Jeton Mehmetin, me marrëveshje të dyanshme.
Emërimi vjen pas një serie prej katër ndeshjesh pa fitore. Në këtë periudhë, Drenica ka regjistruar dy barazime dhe dy humbje.
Pas 11 ndeshjeve në Superligën e Kosovës, skuadra renditet në vendin e shtatë me 11 pikë. Bilanci i saj përbëhet nga dy fitore, pesë barazime dhe katër humbje.