Ministrja në detyrë e Drejtësisë Donika Gërvalla-Schwarz ka njoftuar hapjen e konkursit për rekrutimin e 50 zyrtarëve korrektues në kuadër të Shërbimit Korrektues të Kosovës.
Konkursi ofron 15 pozita në Qendrën e Paraburgimit në Gjilan, 15 pozita në Qendrën Korrektuese në Dubravë dhe 20 pozita në Burgun e Sigurisë së Lartë. Kandidatët që plotësojnë kriteret ligjore dhe profesionale ftohen të aplikojnë për t’u bërë pjesë e institucioneve kyçe të sigurisë dhe rendit.
Afati i aplikimit është prej 20 majit deri më 19 qershor. Detajet dhe formularët e aplikimit janë publikuar në ueb-faqen zyrtare të Shërbimit Korrektues të Kosovës.