Ministria e Mbrojtjes e Kosovës ka shpallur konkursin për rekrutimin e 320 ushtarëve të rinj në Forcën e Sigurisë së Kosovës (FSK).
Sipas njoftimit zyrtar, aplikimet do të pranohen nga data 2 marsi deri më 27 mars.
Të drejtë aplikimi kanë shtetasit e Kosovës që plotësojnë këto kushte:
• Mosha nga 18 deri në 25 vjeç;
• Përfundimi i arsimit të mesëm;
• Gjendje e mirë fizike dhe shëndetësore;
• Figurë e pastër morale dhe ligjore;
• Përkushtim për shërbim me dinjitet dhe profesionalizëm.
Aplikimi kryhet online në platformën zyrtare https://rekrutimi.fsk-ks.org.
Përditësime
Ministria e Mbrojtjes ka publikuar listën e dokumenteve të kërkuara për aplikim në konkursin për 320 ushtarë të rinj në FSK.
Dokumentet e nevojshme:
- diploma;
- ekstrakti i lindjes (jo më i vjetër se 6 muaj);
- certifikata gjyqësore (brenda afatit ligjor);
- kopje e letërnjoftimit ose pasaportës;
- foto 4x4 elektronike;
- dëshmi të tjera kualifikimesh.
Konkursi shoqërohet me sloganin 'Bëhu ushtar i Kosovës'.