Muzeu Luvër në Paris ka njoftuar gjetjen e kurorës së Mbretëreshës Eugenie, bashkëshortes së Napolonit III, pas vjedhjes së 19 tetorit 2025. Grabitësit kishin vjedhur bizhuteri me vlerë rreth 88 milionë euro (76 milionë paund dhe 104 milionë dollarë), ndërsa kurora mbeti e dëmtuar në vitrinën e saj prej qelqi.
Fotografitë e publikuara nga muzeu tregojnë kurorën e deformuar, pasi grabitësit u përpoqën ta nxirrnin nga një vrimë e ngushtë. Ajo ka humbur një nga tetë shqiponjat prej ari, por ruan 56 smeralde dhe pothuajse të gjitha diamantet: mungojnë vetëm 10 nga 1.354 diamante. Sipas muzeut, rikthimi do të bëhet pa nevojë për rindërtim, duke ruajtur pamjen dhe strukturën origjinale të shekullit të XIX.
Rikthimin e kurorës do ta mbikëqyrë një komitet ekspertësh i udhëhequr nga presidentja e Luvrit, Laurence des Cars. Ky komitet do të sigurojë ruajtjen e çdo detaji historik.
Vjedhja u krye me një ngritës mekanik të vjedhur, duke hyrë në Galerinë e Apollonit përmes një ballkoni pranë lumit Sena. Ngjarja nxori në pah sfidat e sigurisë për objektet e rralla në muzeun më të vizituar në botë.