David Shehaj, 30-vjeçar banues në lagjën Çlirim të Beratit, u gjet i mbytur në lumin Osum në fshatin Remanicë. Ngjarja ndodhi më 7 maj 2026, pas kërkimesh të nisura në mëngjes.
Ai ishte larguar nga banesa më 30 prill dhe babai kishte denoncuar në polici zhdukjen e tij. Pas dëshmive nga banorë të zonës, të cilët e kishin parë duke u hedhur në lumë, autoritetet nisën operacionin kërkimor përgjatë rrjedhës së lumit Osum.
Në kërkime u angazhuan Drejtoria Vendore e Policisë Berat dhe Forcat e Ndërhyrjes së Shpejtë të Repartit Ushtarak në Poshnje. Trupi i pajetë u lokalizua mesditën e sotme dhe u transportua në Morgun e Spitalit Rajonal Berat për autopsi mjeko-ligjore.
Sipas burimeve, David Shehaj ishte konsumator i lëndëve narkotike dhe kishte precedentë penalë për vjedhje.