Një ngjarje e rëndë është shënuar në qytetin e Beratit, ku një 38-vjeçar ka ndërruar jetë si pasojë e helmimit. Viktima, banues në lagjen Barrikadë, dyshohet se ndodhej në gjendje të rënduar depresive në momentin kur ka konsumuar substanca helmuese në banesën e tij.
Familjarët e kanë gjetur të riun në gjendje të rëndë shëndetësore dhe kanë njoftuar menjëherë shërbimet e urgjencës. Ai u transportua me ambulancë drejt Spitalit Rajonal të Beratit. Pavarësisht përpjekjeve të personelit mjekësor për t’i shpëtuar jetën, 38-vjeçari ka ndërruar jetë pas 2 orësh.
Sipas ekspertizës mjeko-ligjore, në trupin e viktimës nuk janë konstatuar shenja dhune. Burime zyrtare të policisë bëjnë me dije se grupi hetimor është duke punuar për zbardhjen e plotë të rrethanave të kësaj ngjarjeje. Ndërkohë, rezultatet e autopsisë kanë konfirmuar praninë e substancave helmuese në organizmin e viktimës.
Përditësime
Burime nga grupi hetimor konfirmuan se Ilir Telhaj ka ndërruar jetë si pasojë e konsumimit të fostoksinës dhe barit të miut. Hetimet zbardhën gjithashtu se ngjarja ka ndodhur një ditë përpara gjetjes së trupit nga familjarët.