Guvernatori rajonal i Siçilisë, Renato Schifani, njoftoi se vlerësimi i dëmeve nga vala e fortë e motit të keq, që goditi ishullin deri mbrëmë, arrin në 720 milionë euro. Ai deklaroi se shpallja e gjendjes së jashtëzakonshme siguron shpërndarjen e menjëhershme të 70 milionë eurove për të mbuluar nevojat urgjente.
Në Sardenjë, presidentja e rajonit Alessandra Tode vlerësoi dëmet në qindra milionë euro dhe kërkoi takime të menjëhershme me qeverinë qendrore në Romë për mbështetje financiare. Dallgët e larta dhe reshjet e vazhdueshme shkaktuan dëme serioze në pasurinë arkeologjike, sipas autoriteteve lokale.
Situata ishte e rëndë edhe në Kalabri, ku brigjet e lagura nga Deti Jon u goditën nga dallgë deri në nëntë metra të lartë. Kreu i Mbrojtjes Civile të rajonit, Fabio Ciciliano, e krahasoi këtë lartësi me një ndërtesë apartamentesh me katër kate. Ai shtoi se stuhia u shoqërua me erëra që tejkaluan 110 kilometra në orë, duke dëmtuar zonat bregdetare dhe infrastrukturën.