Gjermania do të dërgojë një forcë ushtarake në Groenlandë brenda javës, sipas gazetës gjermane Bild.
Ushtarët e parë gjermanë mund të mbërrijnë në Groenlandë të enjten, citon Bild burime qeveritare dhe parlamentare në Berlin. Ky zhvillim vjen në kontekstin e këmbënguljes së Presidentit të SHBA-së, Donald Trump, për të fituar kontrollin e ishullit strategjikisht të rëndësishëm, territor autonom i Danimarkës.
Më herët sot, Suedia dhe Norvegjia njoftuan se do të dërgojnë personel ushtarak në Groenlandë, me kërkesë të Danimarkës. Kopenhageni njoftoi se po vendos forca si pjesë e ushtrimeve ushtarake në ishull.