Gjermania ka njoftuar se ka tërhequr përkohësisht personelin e ambasadës së saj në Irak.
Vendimi u mor për arsye sigurie, në kushtet e përshkallëzimit të konfliktit në Lindjen e Mesme. Lajmi u konfirmua nga një zëdhënës i Ministrisë së Jashtme gjermane.
"Personeli i ambasadës së Gjermanisë në Bagdad është larguar përkohësisht nga Iraku për shkak të situatës së kërcënimit", deklaroi zëdhënësi. Ai shtoi se niveli i sigurisë për stafin diplomatik po rivlerësohet vazhdimisht.
Kjo masë vjen në një kohë kur tensionet në rajon janë rritur ndjeshëm. Ato lidhen me përplasjen ushtarake mes Iranit, Shteteve të Bashkuara dhe Izraelit, çka ka shtuar shqetësimet për destabilizim më të gjerë.