Kombëtarja e Gjermanisë ka shënuar një moment historik në Kupën e Botës 2026 pas fitores bindëse me rezultatin 7-1 ndaj Kuraçaos, zhvilluar në "Houston Stadium". Me këtë rezultat, Gjermania ka kryesuar listën e ekipeve me më shumë gola të realizuar në historinë e këtij turneu, duke grumbulluar gjithsej 239 gola.
Brazili, i cili kryesonte më parë këtë renditje, tashmë pozicionohet në vendin e dytë me 238 gola. Përfaqësuesja braziliane nuk arriti të thellojë avantazhin e saj, pasi barazoi 1-1 në ndeshjen kundër Marokut, ku golat u shënuan nga Vinicius Junior për brazilianët dhe Ismael Saibari për marokenët.
Sipas të dhënave statistikore, pesë kombëtaret që kanë shënuar më shumë gola në finalet e Kupës së Botës janë:
• Gjermania: 239 gola
• Brazili: 238 gola
• Argjentina: 152 gola
• Franca: 136 gola
• Italia: 128 gola
Në ndeshjen e fundit, golat për skuadrën gjermane, të drejtuar nga Julian Nagelsmann, u realizuan nga Felix Nmecha, Nico Schlotterbeck, Kai Havertz (dy gola), Jamal Musiala, Tom Bischof Brown dhe Deniz Undav. Për Kuraçaon, golin e vetëm e shënoi Livano Comenencia. Statistikat tregojnë se Gjermania i ka arritur këto shifra përmes 84 lojtarëve të ndryshëm, ndërsa Brazili i ka shënuar golat e tij me 85 lojtarë.
Fitorja e Gjermanisë rikujtoi përballjen e vitit 2014, kur gjermanët mposhtën Brazilin me të njëjtin rezultat, 7-1, në stadiumin "Mineirão".