Gjykata e Beratit ka caktuar masën e sigurisë "arrest në burg" ndaj Sabri Likajt, 39-vjeçar banues në fshatin Gjeroven në Berat. Ai akuzohet se ka kryer marrëdhënie seksuale me mbesën e tij të mitur, N.L., 15-vjeçe.
Likaj u arrestua tre ditë më parë, pas denoncimit të bërë në DVP Berat nga mbesa dhe nëna e saj. Prokuroria e Beratit e ngarkon atë me veprën penale "Përfshirja në marrëdhënie seksuale ose homoseksuale me të mitur", të parashikuar nga neni 200/2 i Kodit Penal.
Gjatë seancës gjyqësore, 39-vjeçari nuk e pranoi akuzën. Ai deklaroi se nuk e ka prekur kurrë mbesën dhe se çdo gjë është sajuar nga kunata e tij për shkak të konfliktit në lidhje me banesën familjare.
Gjyqtari Ervis Koxhaj dëgjoi organin e akuzës dhe deklaratën e të pandehurit. Pas kësaj, ai vendosi cilësimin e ligjshëm të arrestimit dhe caktimin e masës së sigurisë "arrest në burg".
Përditësime
Prokurori Renato Tosku kërkoi masën e sigurisë dhe paraqiti provat ndaj Sabri Likajt për ngjarjen e 27 marsit. Policia njoftoi arrestimin në flagrancë.
N.L., mbesa e Sabri Likajt, është 14-vjeçare, sipas korrigjimit të ri. Artikulli i mëparshëm e kishte raportuar si 15-vjeçare.