Haxhi Shala, ish-luftëtar i Ushtrisë Çlirimtare të Kosovës (UÇK), është liruar nga Gjykata Speciale e Hagës më 10 shkurt 2026.
Lajmin për lirimin dhe kthimin e tij në Kosovë e ka bërë të ditur djali i tij, Flakron Shala, me një postim në rrjetin social Facebook. Ai ka shkruar: “Mirë se erdhe në atdhe, babë”.
Pas kësaj ngjarjeje, ka reaguar Organizata e Veteranëve të Luftës së UÇK-së (OVL e UÇK-së). Në një postim, organizata i ka uruar mirëseardhjen ish-luftëtarit: “Mirë se vjen, bashkëluftëtar! Të urojmë shëndet dhe gjitha të mirat në jetë pranë familjes dhe njerëzve të tu”.
Haxhi Shala ishte dënuar më parë nga Dhomat e Specializuara të Kosovës për vepra që lidhen me pengimin e administrimit të drejtësisë.