Gjykata Speciale ka njoftuar datat për deklaratat përmbyllëse në gjykimin ndaj ish-krerëve të UÇK-së: Hashim Thaçit, Kadri Veselit, Rexhep Selimit dhe Jakup Krasniqit. Këto seanca do të mbahen në Hagë nga 9 deri më 13 shkurt dhe nga 16 deri më 18 shkurt, çdo ditë nga ora 09:00 deri në 16:30.
Sipas njoftimit zyrtar, rendi i deklaratave është si vijon:
- 9 shkurt: Deklarata përmbyllëse e Prokurorisë.
- 10 shkurt: Vazhdimi i Prokurorisë dhe deklarata e Mbrojtjes së Viktimave.
- 11 shkurt: Deklaratat e Mbrojtjes së Thaçit dhe Veselit.
- 12 shkurt: Vazhdimi i Mbrojtjes së Veselit dhe deklarata e Mbrojtjes së Selimit.
- 13 shkurt: Vazhdimi i Mbrojtjes së Selimit dhe fillimi i deklaratës së Krasniqit.
- 16 shkurt: Vazhdimi i deklaratës së Krasniqit dhe pyetje nga Trupi Gjykues.
Njoftimi u publikua më 15 janar 2026. Aktakuza fillestare ndaj të akuzuarve u konfirmua më 26 tetor 2020 dhe u ndryshua më 3 shtator 2021, 29 prill 2022 si dhe 30 shtator 2022.