Një rrjet i madh kriminal që tregtonte suplemente dhe ilaçe false për sëmundje të rënda u godit nga autoritetet europiane gjatë një operacioni të zhvilluar në 15 shtete.
Sipas Eurojust, grupi ka përfituar të paktën 240 milionë euro përmes shitjes së produkteve mashtruese. Operacioni i zhvilluar më 12 maj çoi në mbledhjen e provave, ndalimin e disa anëtarëve kryesorë dhe sekuestrimin e sasive të mëdha të suplementeve.
Autoritetet kryen kontrolle në 113 ambiente në Bullgari, Greqi, Hungari, Poloni, Rumani dhe Moldavi. Në Greqi u kontrollua një kompani logjistike në rajonin e Atikës, ndërsa në Poloni u sekuestruan pasuri me vlerë rreth 1.8 milionë euro. Deri tani janë marrë në pyetje 23 dëshmitarë.
Që nga viti 2019 grupi krijoi kompani përmes të cilave tregtonte mbi 400 suplemente të paautorizuara. Ai ndërtoi qindra faqe interneti dhe profile në rrjetet sociale, ku përdorte emra dhe imazhe të personazheve të njohur apo mjekësh të rremë. Viktimat kontaktuan nga operatorë të qendrave telefonike që paraqiteshin si mjekë dhe pretendonin se produktet ishin kura efektive.
Suplementet nuk kishin asnjë efekt real dhe përmbanin pothuajse të njëjtët përbërës, pavarësisht pretendimeve të ndryshme.
Përditësime
Autoritetet kërkuan prova nga kompanitë në tetë vende të tjera.