Një grabitje me armë është kryer mesditën e 16 majit 2026 në një argjendari në qendër të Kamëz. Dy shtetas ende të paidentifikuar kanë hyrë në ambientet e biznesit në pronësi të shtetasit O. L dhe, nën kërcënimin e një arme, kanë marrë një sasi bizhuterish.
Njëri prej autorëve ka qenë i maskuar me skafandër motori dhe ka mbajtur një armë, ndërsa tjetri ka pritur jashtë. Pas marrjes së bizhuterive, të dy janë larguar me një motor të kuq që e kishin lënë të ndezur pranë vendngjarjes. Pamjet e kamerave të sigurisë tregojnë momentin e ikjes së tyre me çantë në dorë.
Menjëherë pas njoftimit, shërbimet e policisë kanë mbërritur në vendngjarje dhe kanë ngritur pika kontrolli. Grupi hetimor po punon për administrimin e provave dhe identifikimin e autorëve. Dyshohet se njëri prej tyre mund të jetë person i njohur më parë nga policia për vepra të ngjashme.