Greqia ka regjistruar më 1 maj ditën më të ftohtë në 70 vjet, me temperaturën në Athinë që arriti vetëm 14 gradë Celsius.
Meteorologu Panagiotis Giannopoulos, i cituar nga media greke si Ta Nea dhe in.gr, shpjegoi se në 1987 temperatura ishte 17°C, ndërsa në 1944 kishte qenë 16°C. Kjo e bën 1 majin e sivjetëm rekordin më të ulët në këtë periudhë.
Motit të ftohtë i kanë kontribuar erërat e forta veriore dhe reshjet e shiut. Në zona malore u regjistruan edhe reshje dëbore, veçanërisht në veri pranë Serres dhe në rajonin e Arcadiës në Peloponez.
Sipas parashikimeve të shërbimit meteorologjik, vala e të ftohtit nuk pritet të zgjasë. Temperaturat do të kthehen në nivele normale sezonale, mbi 20 gradë Celsius, duke filluar nga java e ardhshme.