Atletja e Kosovës, Gresa Bakraqi, ka shënuar një tjetër sukses ndërkombëtar duke u ngjitur në podiumin e Kampionatit Ballkanik të Atletikës. Në garën e zhvilluar në Volos të Greqisë, ajo u vlerësua me medaljen e argjendtë.
Bakraqi e përfundoi garën me kohën 9:37.26 minuta. Komiteti Olimpik i Kosovës njoftoi për këtë arritje, duke uruar sportisten për paraqitjen e saj të shkëlqyer në këtë kampionat.