Prej mesditës së së shtunës, më 21 shkurt 2026, qarkullimi në aksin rrugor Librazhd-Pogradec u devijua në rrugë alternative për shkak të bllokimit të segmentit kryesor. Kjo shkaktoi trafik të dendur dhe bllokim të qytetarëve në zonën e juglindjes së vendit.
Një qytetar raportoi se kishte mbetur i bllokuar që nga ora 13:00. Ai u kthye nga Qukësi, ku policia e devijoi drejt rrugës për në Lozha, por aty situata ishte po aq e vështirë. "Nuk dimë ku të shkojmë tani apo ku do të kalojmë natën", u shpreh ai.
Një grua, e revoltuar nga situata, bëri thirrje para policisë: "Më gjeni rrugën nga të iki në shtëpi". Nga ngarkesa emocionale, ajo humbi ndjenjat, ndërsa të pranishmit i vunë në ndihmë.
Në Mgolicë, një shofer theksoi se ishin të bllokuar prej tre orësh. Ai vuri në dukje se rruga alternative është e ngushtë dhe nuk kalojnë dot dy automjete njëkohësisht, pavarësisht pranisë së policisë.