Hysni Gucati, kryetar i Organiztatës së Veteranëve të Luftës së UÇK-së (OVL-UÇK), reagoi në një konferencë për media kundër ekspozitës “Masakrat në Kosovë 1998-1999”, e shfaqur së fundmi në sheshin e Prishtinës.
Ekspozita mori kritika të shumta për pasaktësitë në detajet e masakrave të ndodhura gjatë luftës së fundit në Kosovë. Gucati e cilësoi atë fyerje jo vetëm për organizatën e tij, por edhe për shoqërinë dhe kombin.
Ai falënderoi kryetarin e Prishtinës, Përparim Ramën, për reagimin e shpejtë dhe largimin e ekspozitës. «Ne shoqatat e dalura nga lufta, siç e keni parë dje edhe reagimin kundër kësaj ekspozite që ka ndodhur në sheshin e Prishtinës. Dua ta falënderoj pa hezitim Përparim Ramën që ka marrë aksion të shpejtë për t’i larguar, që për ne kanë qenë një fyerje, jo vetëm për neve, por edhe si shoqëri dhe si komb», tha Gucati.