Një incident i rrezikshëm është regjistruar në rrugën e Dukagjinit, ku një gur masiv është shkëputur nga mali dhe ka goditur një automjet në lëvizje. Automjeti, i tipit Jeep, po transportonte një grup turistësh në momentin kur ndodhi ngjarja.
Sipas informacioneve, shkëmbi ka rënë drejtpërdrejt mbi tavanin e automjetit, duke shkaktuar dëme të konsiderueshme materiale. Megjithatë, përkundër forcës së goditjes, është konfirmuar se asnjë prej personave që ndodheshin në automjet nuk ka pësuar lëndime fizike.