Qendra Kombëtare e Superkompjuterëve në Tianjin, një nga qendrat kryesore teknologjike të Kinës, është sulmuar në mënyrë të mundshme kibernetike. Një grup hakerësh pretendon se ka nxjerrë mbi 10 petabajt të dhëna të klasifikuara.
Ekspertët e sigurisë kibernetike kanë analizuar materialet e publikuara online dhe thonë se ato duken autentike. Të dhënat përfshijnë:
- Dokumente ushtarake dhe skema raketash;
- Kërkime në inxhinierinë ajrore;
- Teknologji ushtarake;
- Simulime bërthamore.
Sulmi dyshohet se është realizuar përmes një dobësie në rrjetin VPN. Të dhënat janë nxjerrë gradualisht për muaj të tërë pa u zbuluar. Grupi FlamingChina, që mban përgjegjësinë, ka publikuar mostra dhe po tenton ta shesë atë për shuma që arrijnë qindra mijëra dollarë, duke kërkuar pagesa në kriptomonedha.
Autoritetet kineze nuk kanë reaguar zyrtarisht. Nëse pretendimet konfirmohen, ky incident mund të përbëjë një nga rrjedhjet më të mëdha të të dhënave në historinë e Kinës.