Posta Shqiptare u sulmua kibernetikisht nga hakerët iranianë më 25 mars 2026. Sulmi u konfirmua nga ministri i Shtetit për Pushtetin Vendor, Ervin Demo, i cili foli për mediat pas mbledhjes së qeverisë më 26 mars 2026.
Demo deklaroi se shërbimet e postës vazhdojnë normalisht dhe nuk ka të dhëna për pengesa në pjesën operative. "Në momentin që flasim po bëhet një analizë e detajuar nga AKSHI dhe ekspertët e Postës Shqiptare. Nuk ka të dhëna që po pengohet pjesa operacionale e Postës, por duhet të presim përfundimin e analizave", tha ai.
Ministri nënvizoi kapacitetet e AKSHI-së për të rritur garancinë e integritetit të të dhënave publike në institucionet shqiptare. Ai sqaroi se jo të gjitha institucionet janë të përfshira në ombrellën e këtij autoriteti. Shqipëria renditet ndër vendet me avancimin më të madh në sigurinë kibernetike.
Sipas një burimi, sulmi u krye nga grupi Homeland Justice. Dy javë më parë, Kuvendi i Shqipërisë u godit nga një sulm i ngjashëm kibernetik, që synonte fshirjen e të dhënave dhe paralizimin e llogarive.