Deputeti i PDK-së, Xhavit Haliti, foli në emisionin “Click” të RTV21-së për postin e presidentit të ri.
Sipas tij, PDK-ja duhet të marrë pjesë në tryezë dhe të mbështesë idenë e presidentit nga opozita.
“Dhe duhet ta mbështesë idenë që presidenti duhet të jetë nga PDK-ja, tani e bëjnë se bëjnë varet nga vendimet e partisë”, u shpreh ai.
Haliti u pyet edhe për themeluesin e PDK-së, Hashim Thaçi, i cili gjendet aktualisht në Hagë. Ai nuk dha prognozë të qartë se nëse Thaçi do ta rikthejë partinë në pozitat e mëparshme.
“Varet prej tij, varet prej angazhimit, prej shumë faktorëve”, tha Haliti, duke shtuar se Thaçi mban aureolën e liderit të madh në PDK.
Deputeti tha se PDK-ja është partia e vetme që mund ta sfidojë Lëvizjen Vetëvendosje dhe Albin Kurtin.
“Tani për tani kush do të sfidojë, LDK-ja? Unë mendoj në qoftë se duam mundemi të bëjmë shumë, shiko janë disa pengesa që unë nuk mund t’i zbërthej, por janë disa pengesa që na kanë detyruar ndoshta nganjëherë edhe të heshtim dhe besoj që do të bëhet më mirë”, shtoi ai.