Bedri Hamza, kryetar i Partisë Demokratike të Kosovës (PDK), ka përkujtuar 28-vjetorin e masakrave të kryera në fshatrat Likoshan dhe Çirez të Drenicës.
Më 28 shkurt 1998, forcat e regjimit serb ekzekutuan civilë të pafajshëm në këto zona, me synim thyerjen e rezistencës shqiptare. Në një postim në Facebook, Hamza shkroi se këto ngjarje mbeten plagë të hapura, pasi drejtësia për viktimat ende mungon.
“Kosova që sot e gëzojmë është amanet i tyre. Dhe, po ashtu, amanet i tyre është që kurrë të mos heshtim përballë padrejtësive**, ka shkruar ai.
Në fund, Hamza i nderon të gjithë të rënët për liri: Lavdi të përjetshme të gjithë të rënëve për lirinë! Kujtimi dhe kërkesa për drejtësi mbeten obligim i përhershëm institucional dhe shoqëror.