Ramush Haradinaj, kryetari i Aleancës për Ardhmërinë e Kosovës, ka bërë homazhe pranë pllakës përkujtimore në shtëpinë e Ahmet Ukshinaj në Lybeniqi të Pejës, për 27-vjetorin e masakrës.
Në një postim në rrjetet sociale, Haradinaj shkruan se asnjëherë nuk do t’i harrojmë njerëzit që ranë për liri. Ai përmend masakrën në Lybeniqi më 25 maj 1998, si dhe javën e parë të prillit 1999, kur shteti serb ekzekutoi mbi njëqind shqiptarë të paarmatosur nga fshatrat Lybeniqi, Buçani, Rashiqi, Loxha, Kosuriqi dhe Prilepi.
Gjatë vizitës, Haradinaj ndau dhimbjen me familjarët dhe zbuloi pllakën përkujtimore në shtëpinë e Ahmet Ukshinaj, të cilit i kishte dhënë dekoratën “Me Besim në Zot, Atdhe e Shtet” për angazhimin në çështjen kombëtare. Në vitet ’90-ta, kulla e tij ka shërbyer si një nga bazat më të sigurta të Ushtrisë Çlirimtare të Kosovës.
Haradinaj kujton gjithashtu martirizimin e dhjetëra personave në Gjakovë, midis të cilëve familja e Januz Canës, që u shua pa pasardhës, si dhe të rënët në shtëpinë e familjes Vejsa dhe pjesë të tjera të qytetit. Ai nënvizon se të rënët me jetët e tyre u bënë mburojë e kësaj toke dhe se përulemi me respekt para sakrificës së tyre për liri.