Ramush Haradinaj, lider i AAK-së, ka përkujtuar 27-vjetorin e Masakrës së Belegut më 29 mars 2026.
Masakra ndodhi në vitin 1999 në fshatrat Beleg e Irzniq të Deçanit dhe Poterq të Klinës, ku forcat serbe ekzekutuan 49 shqiptarë të paarmatosur, midis tyre gra, pleq e fëmijë. Nga kjo ngjarje, 33 civilë kosovarë ende janë të pagjetur.
Haradinaj ndau dhimbjen me familjarët në Beleg dhe bëri homazhe në nderim të tyre. Ai gjithashtu kujtoi ditën e themelimit të Brigadës 137 “Gjakova” dhe bëri homazhe për 14 bashkëluftëtarë të rënë në Shishman të Bokës.
Përmes një postimi në Facebook, Haradinaj shkroi: «Shteti që e gëzojmë sot është fituar me shumë gjak e sakrificë. E vërteta e luftës sonë çlirimtare nuk mund të shtrembërohet nga askush. Serbia kishte mision shfarosjen tonë si popull, ndërsa fundin atij synimi i dhanë trimat e UÇK-së në tokë dhe NATO në qiell e udhëhequr nga Amerika. Çdo përpjekje për ta ndryshuar këtë të vërtetë është e dështuar dhe kushdo që tenton ta bëjë këtë, do të mbetet me turp».
Ai përfundoi me fjalët: «Lavdi të rënëve për liri!».